اُردُو

 
١. والدین اور دیکھ بھال کرنے والے دیگر لوگ  ہیرو ہیں ، جو اس بحران میں اپنے بچوں کی حفاظت کر رہے ہیں

• یاد رکھیں کہ اس مصیبت کے وقت میں آپ تنہا نہیں ہیں، بہت سے لوگ اس قدرتی آفت کا سامنا کر رہے ہیں۔

• ہمیں  آپ کے دکھ اور سب کچھ کھو جانے کا مکمل احساس ہے۔

• ایسے حالات میں خوف یا پریشانی محسوس ہو سکتی ہے- لیکن کسی بھی قابل بھروسہ انسان سے اپنے دکھ یا پریشانی کا  اظہار کرنے سے  آپ خود کو ہلکا محسوس کریں گے ۔

یاد رکھیں کہ آپ  تبھی  دوسروں کی مدد کر سکیں گےجب آپ میں اپنے خوف اور پریشانیوں سےنمٹنے کی صلاحیت ہو گی

٢. اس آزمائش کی گھڑی میں اپنا خیال رکھیے تا کہ آپ اپنے بچوں کا سہارا بن سکیں

• جب ذہنی دباؤ بہت بڑھ جائے تو اپنے  لیے  چند لمحے نکالیں ۔

• اندر جاتی  ہوئی اور باہر آتی ہوئی اپنی سانسوں کی آواز سنیں ۔

• اپنا ہاتھ اپنے پیٹ پر رکھ کر اس کا ہر سانس کے ساتھ اندر اور باہر آنا جانا محسوس کریں۔

• پھر کچھ دیر تک سکون سے اپنی سانس کی آواز کو سنیں۔

• آپ بچوں کے ساتھ مل کر یہ عمل روزانہ کر سکتے ہیں ۔اس سے ان میں ذہنی دبا ؤپر قابو پانے کی صلاحیت پیدا ہو گی۔

آپ بلا شبہ بہت حوصلہ مند  ہیں

٣.  ان حالات  سے نکلنے میں بچوں کی مدد کریں

• ہو سکتا ہے کہ آپ کا بچہ خوفزدہ ، غصے میں یا  کسی الجھن کا شکار ہو۔ اسے آپ کے تعاون کی ضرورت ہے۔

• جب وہ اپنے احساسات کا اظہار کرے تو اسے ایسا کرنے دیں  اور اس کی بات  غور سے سنیں، اوران  احساسات کو سمجھنے کی کوشش کریں۔

• وہ جیسا بھی محسوس کر یں، ان کے احساسات کو تسلیم کریں اور انہیں تسلی دیں کہ ایسا محسوس کرنا نارمل ہے ۔

روزانہ رات کو کسی نہ کسی بات کے لیے اپنی اور بچوں کی تعریف کریں، اس سے آپ اچھا محسوس کریں گے
 

٤. چھوٹی  چھوٹی  چیزیں  جن  سے  بچے  بہتر  محسوس  کرتے  ہیں

• سچائی کو نہ چھپائیں لیکن مثبت رویہ رکھنے کی کوشش کریں۔

• اگر وہ ان حالات کے بارے میں بات نہ کرنا چاہیں تو  ان سے  زبردستی نہ کریں۔

• عموما  والدین، دوستوں، اور رشتہ داروں کے سہارے اور حوصلہ افزائی سے زیادہ تر بچے جلد  بہتر محسوس کرنا شروع کر دیتے ہیں، لیکن اگر آپ کو بچے کے احساسات اور رویے سے متعلق کوئی خدشات ہوں تو مدد کے لیے کسی قابل   بھروسہ انسان یا  ادارے سے رابطہ کریں۔  

یاد رکھیں، چاہے آپ کتنے ہی پریشان یاتھکے ہوئے ہوں، آپ بہترین والدین   ہیں۔ اپنے آپ پر فخر کریں

٥. اپنے بچوں کے ساتھ روزانہ کم از کم پانچ منٹ کا مثبت وقت گزاریں

• بچوں سے پوچھیں کہ وہ کیا کرنا چاہتے ہیں۔ 

• ان کو سنیں، ان کی طرف دیکھیں۔

• انھیں اپنی بھرپور توجہ دیں ۔

ہر روز بچوں کے ساتھ کھیلنا، اور ان کے ساتھ باتیں کرنا، ان کو محفوظ محسوس کروانے میں مدد کرتا ہے

٦. خود بھی پرسکون رہنے کی کوشش کریں اور بچوں کا حوصلہ بڑھائیں

• بچے کسی بھی بے یقینی کی صورت میں بڑوں کے ردعمل کا بغور مشاہدہ کرتے ہیں اور انہی جیسا رویہ اپناتے ہیں۔ 

• اپنے نقصان کا ذکرکرتے وقت پھر سے تعمیر نو کے عزم کا ارادہ   بھی کریں۔

• اس بات کا ذکر کریں کہ مشکل وقت میں   لوگ مل جل کر حالات کا   سامنا کرتے  اور پریشانی سے نجات حاصل کرتے ہیں۔ 

• انہیں یقین دلائیں کہ حکومت، دیگر  ادارے اور دوست، رشتہ دار  مدد کے لیے موجود ہیں ان کی اس صورت حال میں مدد کریں گے اور ایک دوسرے کی مدد سے کچھ ہی عرصے  میں حالات بہتر ہو جائیں گے۔

ان کا حوصلہ بڑھاتے رہیں  تاکہ وہ مشکل کا سامنا کرنے کے لیے  پر یقین ہوں